Жетісу облысында полиция қызметкерлері есірткі заттарын заңсыз сақтау және таратумен айналысты деген күдікпен 19 жастағы жас жігіттің әрекетін тоқтатты.
Жедел ақпаратты іске асыру барысында Көксу ауданының Балпық би ауылында, жанармай құю бекеттерінің бірінің маңында полиция қызметкерлері Daewoo автокөлігін тоқтатты. Көлік салонында көршілес өңірдің 19 жастағы тұрғыны болған.
Автокөлікті тінту барысында полиция қызметкерлері скотчпен оралған пакетті анықтады. Оның ішінен әрі қарай таратуға дайындалған ұнтақ тәрізді заты бар 310 орама табылды.
Зерттеу нәтижесіне сәйкес, тәркіленген заттардың арасынан психотроптық және есірткі заттары анықталды: мефедрон 65 грамнан астам, α-PVP 79 грамнан астам, сондай-ақ 17 грамға жуық гашиш.
Осылайша, полиция қызметкерлері есірткі және психотроптық заттардың ірі партиясының әрі қарай таралуына жол бермеді.
Күдікті ұсталып, қамауға алынды. Аталған дерек бойынша сотқа дейінгі тергеу жүргізілуде. Оқиғаның барлық мән-жайы, оның ішінде тыйым салынған заттардың келу және әрі қарай таралу арналары анықталуда.
Жетісу облысының полициясы ескертеді: есірткі заттарының заңсыз айналымы қатаң қылмыстық жауапкершілікке әкеп соғады. Өңір аумағында есірткінің таралу арналарын анықтау және жолын кесу жұмыстары жалғасуда.
