Қазақстандық кәсіпқой бокстың жұлдызы Геннадий Головкин халықаралық World Boxing ұйымының президенттігіне үміткер. Ол қазіргі таңда басты фавориттердің бірі ретінде қарастырылуда.
Бұл туралы 7-su.kz ақпараттық порталы Stan.kz сайтына сілтеме жасап хабарлайды.
Бұған дейін бұл лауазымға украиналық әйгілі боксшы Владимир Кличко да үміткер болған. Алайда кандидатурасы жарияланғаннан кейін бірнеше күн өткеннен соң сайлаудан шеттетілді.
Егер Геннадий Головкин президенттікке сайланса, ол 2028 жылы Лос-Анджелесте өтетін Олимпиада ойындарында боксты үйлестіру мүмкіндігіне ие болады. Бұл – еліміздің спорт үшін аса маңызды әрі тарихи қадам болмақ.
World Boxing ұйымының сайлауы 23 қарашада өтеді.
GGG қазіргі таңда World Boxing олимпиадалық комиссиясының төрағасы қызметін де атқарады.
Айта кетейік, Геннадий Головкин даңқты боксшы кәсіби мансабында 42 жеңіс, 2 жеңіліс, 1 тең есеп (37 нокаут) тіркеген.
