Менің түсінігімде алғыс айту өмірде адамға ең бір керемет қуаныш сыйлайтын, ерекше сәт. Өз кезегімде Қазақстан еліне алғыс айтқым келеді. Бұл жерде жақсы, жаны жайсаң достар таптым.
Олардың қарым-қатынасы мені өз үйімде жүргендегідей әсер сыйлайды. Ал, бастысы, Қазақстанда менің тұғыш балам Дунья өмірге келді. Алғашқы әкелік сезімді сөзбен айтып жеткізу мүмкін емес. Қобалжу, нәрестеге деген махаббат, «әке болдым» деген сәтті ұмытпаймын. Сол үшін де Қазақстан менің екінші отаным сияқты. Қазір Талдықорғанда жұмыс істеп жатырмын. Ал қызым болса балабақшаға барады. Кіші ұлым Пабле де осы қалада өсіп жатыр.
Мен үшін Қазақстанның алатын орны айрықша. Содан да болар, келесі жылы да жұмыс істеу үшін ойланбастан келісімшартқа қол қойдым. Талдықорғандағы тыныштық, адамдардың бір-біріне деген құрметі мені ерекше таңғалдырды. Жұмыстан тыс уақытта қаланы аралап, отбасыммен серуендеуді әдетке айналдырдық. Әр шыққанымызда ерекше сезімге бөленеміз.
Неманья Еремич
Сербия
