Елімізде отандық өнім өндіруге деген талпыныс жылдан жылға артып келеді. Бұл – халықтың әлеуметтік-тұрмыстық жағдайының да басты өлшемі. Алайда өзімізде шығарылатын өнімдердің жақсы қырын халыққа таныту жағы әлсіздеу. Әр өңірдің өзіне тән тіршілігі мен ерекшелігі бар. Кербұлақ өңірінде де ауыл шаруашылығы және жеңіл өнеркәсіп салаларының жұмысы айрықша қарқынмен өрістеуде.
Жетісу өңіріндегі ірі өндіріс ошақтарының бірі – Кербұлақ ауданында орналасқан «Alacem» цемент өндіру зауыты. Аталған нысан жылына 1,2 млн тонна цемент өндіріп, Алматы және Жетісу облыстарын 3 түрлі цемент өнімімен қамтамасыз етіп отыр. Зауыт 2021 жылдың мамыр айында толықтай іске қосылды. Бүгінгі күні «Alacem» ЖШС-де 560 адам қызмет етеді. Зауыт өнімі жылдық жоспардың артуына байланысты қосымша 40 бірлік жұмыс орнын ашу жоспарлануда.
Зауыт іске қосылғалы бері бизнестің әлеуметтік жауапкершілігі аясында Кербұлақ ауданының дамуына 2,7 млрд теңге қаржылай қолдау көрсеткен. Бұл қаражат Сарыөзек-Көктал жолын жөндеуге және аудандағы әлеуметтік жобаларға жұмсалды.
Өндірістің негізгі шикізаты – әктас, саз, темір кені, домна шлак, гипс, көмір.
Инвестициялық жобаны табысты іске асыру бүкіл аудан мен Жетісу және Алматы облыстарына оң мультипликативтік әсер беруде.
Кербұлақ ауданы әкімінің баспасөз қызметі
Фото: akorda.kz
