Қызылағаш ауылдық округінде «Жетісу Агро Комплекс» жауапкершілігі шектеулі серіктестігі егіс науқанын жүйелі түрде жүргізіп келеді. Атап айтқанда, серіктестік 360 гектар алқапқа күнбағыс дақылын себуде. 12 түрлі сұрып өсіретін егіс жұмыстары аяқталуға жақын. Науқан агротехникалық талаптарға сәйкес орындалуда.
Жалпы, серіктестік биыл 1400 гектар жерге ауыл шаруашылығы дақылдарын өсіруді жоспарлап отыр. Оның ішінде 360 гектарға күнбағыс, 800 гектарға жүгері, 250 гектарға майбұршақ және 50 гектарға қарбыз егу көзделген. Шаруашылық директоры Қанат Саниязовтың айтуынша, көктемгі дала жұмыстары үшін барлық қажетті жағдай жасалған.
Биылғы егіс науқаны жоспарға сай жүргізілуде. Мемлекет арзандатылған жағармай және қажетті минералдық тыңайтқыштармен толық қамтамасыз етті. Қазіргі таңда техника толық дайын. Жұмыс күші жеткілікті. Бұл – науқанды уақытылы әрі сапалы аяқтауға мүмкіндік береді. Алдағы уақытта агротехникалық талаптарды сақтай отырып, жоғары өнім алуды көздеп отырмыз, – дейді серіктестік басшысы.
Көктемгі дала жұмыстарының сапалы әрі уақытылы жүргізілуі ауданның аграрлық әлеуетін арттырып, мол өнім алуға негіз қалайды.
Мағжан ШЫНДӘУЛЕТ,
Ақсу ауданы әкімінің баспасөз хатшысы
