Осыған дейін Жетісу облысының орталығындағы қоғамдық дәретханаға қатысы мақала жариялаған едік. Еркін пікір алаңы ретінде екінші тараптың да көзқарасын беретінімізді жеткізгенбіз. Халық көтерген мәселеге байланысты Талдықорған қаласының әкімдігі ресми жауап берді.
Тақырыпқа орай: «Ашық тұрғанын көрмедік»: Талдықорғандағы 30 миллиондық әжетханалар жұрттың ашуын туғызды
2022 жылы «Коѕем Ltd» ЖШС мердігерлік ұйымымен 5 модульдік дәретхана жасалды, 5 дәретхананың құны — 26 656,0 мың теңгені құрады. Бүгінгі таңда, аталған модульдік дәретханалар коммуналдық желілерге қосылған және толық жұмыс істейді.
Жалпы модульдік дәретханаларға көктем және жаз мезгілдерінде қысқы жылыту маусымы басталғанға дейін қызмет көрсетіледі. Жұмыс істеу уақыты сағат 08:00-ден 20:00-ге дейін.
Сонымен қатар, 2024 жылы «Instagram» әлеуметтік желісінде @taldykorgan_akimdigi және @zhkh_taldykorgan парақшаларында қыс мезгілінің және жылыту маусымының басталуына байланысты, 20.11.2024 — 01.03.2025 жылдар аралығына дейін модульдік дәретханалар уақытша жабылатындығы бойынша бірнеше рет хабарламалар жарияланды.
Қазіргі уақытта мемлекеттік сатып алу порталында модульдік дәретханаларға қызмет көрсету үшін мердігер мекемені анықтау бойынша конкурс жарияланды.
«Жетісу-Ақпарат»
Фото: baq.kz
