Нұрсұлтан Назарбаевтың ортаншы қызы Динара Құлыбаеваға тиесілі «Қазақстан-Британ техникалық унивеситеті» (ҚБТУ) мемлекет меншігіне өтті, деп хабарлайды 7-su.kz желілік басылымы.
Қаржы министрлігінің қаржы есептілігі депозитарийінде жазылған ақпаратқа сәйкес, университеттің негізгі акционері өзгерген.
Акционерлердің құрамы туралы және эмитенттің дауыс беретін акцияларының он және одан да көп пайызын иеленетін акционерлердің құрамында өзгеріс бар. «Қайтарылған активтерді басқару жөніндегі компания» ЖШС, – делінген хабарламада.
Аталған өзгеріс 27 ақпанда тіркелген.
Фото: currenttime.tv
