Қазақстанда 2026–2027 оқу жылына арналған мемлекеттік білім беру гранты иегерлерінің тізімі жарияланды.
Бұл туралы Ғылым және жоғары білім министрлігіне сілтеме жасап 7-su.kz ақпараттық порталы хабарлайды.
Министрлік мәліметінше, 2025–2026 оқу жылына 77 мыңнан астам грант бөлінген. Оның ішінде:
-
60%-ы – техникалық бағыттағы мамандықтарға,
-
20%-ы – педагогикалық мамандықтарға,
-
Қалған 20%-ы – түрлі саладағы кадр қажеттілігіне байланысты үлестірілді.
Сонымен қатар, «Білім туралы» Заңға сәйкес, белгілі бір санаттағы талапкерлер үшін арнайы квоталар қарастырылды. Атап айтқанда:
-
жетім немесе мүгедектігі бар балалар;
-
көпбалалы және толық емес отбасынан шыққан талапкерлер;
-
мүгедек балаларды тәрбиелеп отырған отбасылардың балаларына арналған жеңілдіктер ескерілді.
Мемлекеттік білім беру гранттарын тағайындау жөніндегі Республикалық комиссия құрамына:
-
Парламент депутаттары,
-
Мемлекеттік органдар,
-
Білім саласы кәсіподақтарының өкілдері,
-
«Атамекен» Ұлттық кәсіпкерлер палатасы,
-
Жоғары оқу орындары қауымдастығы мен қоғамдық ұйым мүшелері енді.
Министрліктің мәліметінше, биылғы грант конкурсына шамамен 113 мың талапкер қатысқан. Ең жоғары сұранысқа ие білім беру бағыттары қатарында:
-
«Педагогикалық ғылымдар»,
-
«Инженерлік, өңдеу және құрылыс салалары»,
-
«Ақпараттық-коммуникациялық технологиялар» бар.
Грант нәтижелерін ҚР Ғылым және жоғары білім министрлигінің ресми ақпараттық көздерінен https://www.gov.kz/memleket/entities/sci?lang=kk , https://t.me/gylym_jogary_bilim , https://t.me/SayasatNurbek , сондай-ақ Ұлттықілеу орталығының ресми сайтынан www.testcenter.kz білуге болады.
