Су айдындарында және бассейндерде шомылу кезінде қандай жұқпалы ауруларды жұқтырып алуыңыз мүмкін, білесіз бе? Бассейнде шомылғанда инфекциядан қалай қорғану керек?
Қазір көптеген қонақүйде, демалыс аймақтарында ашық бассейндер ашылып жатыр, бұған халық арасында сұраныс та көп. Бассейн суын жеткіліксіз зарарсыздандыру жағдайында инфекцияның пайда болу ықтималдығы жоғары. Бұдан басқа, себезгі бөлмелерінде, бассейннің ернеуінде немесе тұтқалар арқылы мұқият дезинфекциялаусыз грибок ауруларын немесе контагиозды моллюсканы жұқтырып алу қауіпі бар. Алдын алу үшін:
— жүзу аймағынан тыс жерлерде жалаң аяқ жүрмеу;
— бортта отырмау;
— жүзгенге дейін және одан кейін сабынмен немесе гельмен душ қабылдау қажет.
Бассейнде суды қалай жиі ауыстыратынын және немен өңдегенін білуге кеңес береміз. Сондықтан, хлорлы суы бар бассейндерде аллергия мен демікпе ауруы бар адамдарға шомылуға болмайды.
Суға шомылуға қандай су айдындары жарамсыз немесе қауіпті? Алматы облысында 800-ден астам су айдынының 115-і суға шомылу үшін белгіленген. Бұл орайда эпидемиялық қауіп деңгейі жоғары көріністерді ұсынамыз. Олар:
— жағажайдың жанында тыйым салатын тақтайшаның болуы;
— тұрып қалған су және тұндырғыш түбі бар көл немесе тоғанның болуы;
— бірқатар тазарту бұйымдарының, кәріз ағындарының болуы;
— жағалауда мал жайылып, суда жүзетін құстар, кеміргіштер, егеуқұйрықтардың жүруі;
— субұрқақтағы су ұзақ уақыт мерзімде сүзгіленбеуі жаңартылмауы және тұйық жүйеде айналуы.
Тексерілмеген су қоймаларында шомылудың салдары өміріңізге үлкен қауіп төндіреді. Естеріңізге сала кетейік, 2013 жылы Еңбекшіқазақ ауданының Қайназар ауылында тұрғындар арасында ішуге сапасыз суды пайдаланумен байланысты энтеровирустық инфекция тіркелген еді. 2018 жылдың шілде айында Талғар ауданының Байсерке ауылында орналасқан «Tabagan Ski Resort» спорттық-сауықтыру кешенінде 10 адам бассейнде энтеровирустық инфекция жұқтырған.
Мына нәрселерге назар аударыңыз:
1. «Қышынуда» адам бойында тері бөртпелері мен ісіну пайда болады. Тасымалдаушы — үйректер және тұщы су ұлулары.
2. Жіті ішек инфекциясы, соның ішінде, тырысқақ, көбінесе, канализациялық ағындары бар су қоймаларына түседі.
3. Ротавирустық инфекция — балалардағы ауыр диареяның ең басты себепкері.
4. Лептоспироз — су қоймасындағы кеміргіштер жұқтырады. Лептоспиралар зақымдалған тері мен шырышты қабықтар арқылы немесе зақымдалған суды жұтып алу арқылы адам ағзасына өтеді.
5. Аскаридоз және басқалар.
6. «А» вирусты гепатиті — ағзаның улануын және бауырдың зақымдануын тудырады.
Мұндайда қалай қорғану қажет?
— тек тексерілген, арнайы бөлінген орындарда шомылыңыз.
— су айдынынан су жұтпаңыз.
— шетелге, әсіресе, экзотикалық елдерге шыққан жағдайда вакцинация алу маңызды («А» гепатиті, тырысқақ, ротавирустық инфекцияға қарсы).
Егер ауырып қалған жағдайда не істеу керек? Егер шомылғаннан кейін қалтырау, жүрек айнуы, диарея, дене қызуының жоғарылауы пайда болса, дереу медициналық көмекке жүгіну керек, өз-өзін емдеуге тыйым салынады.
Алматы облыстық тауарлар мен көрсетілетін қызметтердің сапасы мен қауіпсіздігін бақылау департаменті
