Шолпан Каринова оқу-ағарту бірінші вице-министрі қызметінен босатылды.
Бұл туралы 7-su.kz желілік басылымы Үкімет қаулысына негізделе отырып хабарлайды.
ҚР Үкіметінің қаулысымен Шолпан Таңатқызы Каринова Қазақстан Республикасының оқу-ағарту бірінші вице-министрі қызметінен босатылды, — делінген қаулысында.
Шолпан Каринова — 1972 жылы дүниеге келген. 1994 жылы Ш. Уәлиханов атындағы Көкшетау педагогикалық институтын «қазақ мектебіндегі орыс тілі мен әдебиеті пәнінің мұғалімі» мамандығы бойынша, 2016 жылы — «педагогикалық білім» бағыты бойынша Омбы мемлекеттік педагогикалық университетінде магистратураны тәмамдаған.
Еңбек жолын 1994 жылы ауыл мектебінің мұғалімі болып бастаған, колледж оқытушысы, мектеп директоры қызметтерін атқарған.
2005–2008 жылдары — Солтүстік Қазақстан облысы Тайынша ауданының білім бөлімінің басшысы.
2009–2012 жылдары — Солтүстік Қазақстан облысының Білім басқармасы басшысының орынбасары.
2012 жылғы мамырда Петропавл қаласы әкімінің әлеуметтік мәселелер жөніндегі орынбасары болып тағайындалған, 2013 жылғы шілде мен 2017 жыл аралығында — Солтүстік Қазақстан облысының Білім басқармасының басшысы.
2017–2018 жылдары — ҚР Білім және ғылым министрлігінің Мектепке дейінгі және орта білім департаментінің директоры болып қызмет атқарған.
2018 жылғы қазаннан вице-министрі қызметіне дейін «Назарбаев зияткерлік мектептері» ДББҰ Педагогикалық шеберлік орталығы директорының орынбасары қызметін атқарған.
2019 жылдан бастап оқу-ағарту бірінші вице-министрі қызметіне тағайындалған еді.
Фото: ашық дереккөзден
