Ақын, Қазақстан Жазушылар одағының мүшесі Серікбай Әбілмәжін дүниеден өтті, – деп хабарлайды 7-su.kz ақпараттық порталы Massaget.kz сайтына сілтеме жасап.
Қаралы хабарды Қазақстан Жазушылар одағы таратты.
Серікбай Әбілмәжін 1984 жылы Қытай Халық Республикасының Алтай аймағында дүниеге келген. 2008 жылы әл-Фараби атындағы Қазақ ұлттық университетінің химия факультетін тәмамдаған. Кейін 2015 жылы Ш. Уәлиханов атындағы Көкшетау мемлекеттік университетінің филология факультетінде магистратураны аяқтаған.
Еңбек жолында Бурабай ауданы мектептерінде мұғалім болып қызмет етіп, кейін Бурабай аудандық орталық кітапханалар жүйесінің директоры, сондай-ақ аудандық «Бурабай» газетінің редакторы қызметтерін атқарған.
Ақынның өлеңдері «Сарыарқа самалы» ұжымдық жыр жинағына, «Жыр маржаны» атты қазақ поэзиясының он томдық антологиясына енген. 2014 жылы «Үркертолғақ», 2021 жылы «Сарша тамыз» атты жыр жинақтары жарық көрген.
