Шымкент қаласы әкімінің орынбасарына қастандық жасау ісі бойынша алдын ала сот отырысы басталды, – деп хабарлайды 7-su.kz ақпараттық порталы.
2024 жылдың 21 сәуірінде Шымкент қаласы әкімдігінің ғимараты жанында қала әкімінің орынбасары жарақат алған болатын. Ол шұғыл түрде ауруханаға жеткізіліп, ота жасалды. Екі апта өткен соң дәрігерлер науқасты ауруханадан шығарған.
Оқиға орнында күдікті ретінде Ернар Жиенбай ұсталды. Ол бұған дейін «Тұрғын үй Шымкент» ЖШС директорының міндетін атқарған.
Шымкент қаласының қылмыстық істер жөніндегі мамандандырылған ауданаралық сотының мәліметінше, Ернар Жиенбайға ҚР Қылмыстық кодексінің екі бабы бойынша айып тағылып отыр:
-
24-баптың 3-бөлігі – «Қылмысқа дайындалу және қылмысқа оқталу»;
-
99-баптың 1-бөлігі – «Адам өлтіру».
Қазіргі уақытта іс бойынша алдын ала сот отырысы өтіп жатыр. Қосымша ақпарат сот процесі барысында белгілі болады.
