Жетісу Облыстық орман шаруашылығы және жануарлар дүниесі аумақтық инспекциясының 2025 жылғы 4-наурыздағы № 16-н/қ бұйрығы негізінде облыс аумағында бекітіліп берілген аңшылық алқаптарда, құр және олжалауға рұқсат етілген үйректердің аталықтарына көктемгі аң аулау маусымы ашылады.
Көктемгі аң аулау мерзімдері 15 күнге, яғни 5-наурыздан бастап 15 мамыр аралығында, аңшылық шаруашылқтарының ауа райы (климаттық) ерекшеліктеріне қарай жүргізіледі.
ҚР Ауыл шаруашылығы министрінің 2015 жылғы 30 наурыздағы № 18-03/271-а «Жануарлар дүниесін қорғау, өсімін молайту және пайдалану саласындағы нормативтерді бекіту туралы» бұйрығына сәйкес, жалпы лимиттен аталық үйректі алып қою мөлшері 5% дан аспауы тиіс. Үйректердің аталықтарын тек үйрек тұлыбын пайдаланып ауланады. Облыс аумағында аңшылық шаруашылықтарында көктемгі аңшылық аң аулау ережесіне сәйкес атқарылады.
Инспекцияның инспекторлары, аңшылық пайдаланушылардың қорықшылық қызметінің құрамы көктемгі аң аулауды өткізуге бақылау және аңшылар арасында түсініктеме жұмыстарын жүргізеді.
Аңшылық шаруашылықтары аң аулау кезінде аңшылық алқаптарда техникалық қауіпсіздікті және өртті болдырмау шараларын сақтау қажет. Маусым кезінде заңсыз аң аулаған үшін ҚР ӘҚБТ Кодексінің 382-бабына сәйкес шаралар қолданылатынын ескертеміз.
Б. Ноғайбеков,
Жетісу облыстық орман шаруашылығы және жануарлар дүниесі аумақтық инспекциясының
«Жануарлар дүниесі және аңшылық шаруашылығы бөлімі» бас маманы
Фото: huntfish.hozvo.ru
