Қоршаған ортаның тазалығын сақтау – әрбір азаматтың ортақ міндеті. Осыған орай, ҚР ҰҚК Шекара қызметінің Жетісу облысы бойынша департаментіне қарасты «Қорғас» шекаралық бақылау басқармасының жеке құрамы Ұлы Жеңістің 80 жылдығына арналған «80 игі іс» бастамасы аясында «Таза Қазақстан» акциясына қатысып, сенбілік ұйымдастырды.
Іс-шара барысында шекарашылар бөлімше аумағы мен оған іргелес көшелерді тазалап, қоқыс қалдықтарынан арылтты. Жеке құрам акцияға белсенді түрде атсалысып, қоршаған ортаны қорғауға өз үлесін қосты. Бұл бастама табиғатты қорғау ғана емес, сондай-ақ қоғамда экологиялық мәдениетті қалыптастыруға да бағытталған.
«Таза Қазақстан» акциясына қатысу арқылы шекарашылар туған жерге деген қамқорлықтың маңыздылығын көрсетті. Ұлы Жеңістің 80 жылдығына орай ұйымдастырылған «80 игі іс» бастамасы – халықтың бірлігі мен елге деген сүйіспеншілігін нығайтуға бағытталған маңызды қадам.
Осындай экологиялық іс-шаралар арқылы шекарашылар мемлекеттік шекараны қорғаумен қатар, қоршаған ортаны да қорғауға үлес қосуда. Мұндай игі істер алдағы уақытта да жалғасын табады.
ҚР ҰҚК Шекара қызметі Жетісу облысы бойынша департаменті
