Қазақстан Президенті еліміздің әлеуметтік-экономикалық және өнеркәсіптік дамуына зор үлес қосқан бір топ азаматты мемлекеттік наградалармен наградтау туралы Жарлыққа қол қойды, – деп хабарлайды 7-su.kz ақпараттық порталы Ақорданың ресми сайтына сілтеме жасап.
Бұл жолғы марапаттардың басты ерекшелігі – мемлекеттік деңгейдегі құрметке нақты өндіріс саласында жүрген мамандардың ие болуы. Атап айтқанда, Жамбыл облысы мен Тараз қаласының инфрақұрылымын жақсартуға, ауыл шаруашылығы мен өнеркәсіпті өркендетуге атсалысқан 14 маман еленіп отыр.
Марапат иелерінің толық тізімі:
«Құрмет» орденімен:
-
Мағауия Өтелбаев – «Жасыл Ел-Тараз» ЖШС гидротехнигі (Тараз қаласы);
-
Бейсенбек Сарбасов – «Жылы бұлақ – Меркі» ЖШС аға шопаны (Меркі ауданы).
Үшінші дәрежелі «Еңбек Даңқы» орденімен:
3. Марат Байділдаев – «Жамбыл электр жүйесі» ЖШС электр монтері (Жамбыл ауданы); 4. Бақытбек Байтұрсынов – «Бурное сүт компаниясы» ЖШС жүргізушісі (Жуалы ауданы); 5. Садуақас Өтениязов – «Talas Investment Company» ЖШС машинисі (Талас ауданы); 6. Андрей Пичиневский – «Мерке ірімшік зауыты» ЖШС дәнекерлеушісі (Меркі ауданы); 7. Жұмабек Сағындықов – «Жасыл Ел Тараз» ЖШС аула сыпырушысы (Тараз қаласы); 8. Елубай Сәтбаев – «Фабрика ПОШ-Тараз» ЖШС жүргізушісі (Тараз қаласы); 9. Райм Туранов – «Казфосфат» ЖШС слесары (Тараз қаласы).
«Ерен еңбегі үшін» медалімен:
10. Сайлаубек Жолымбеков – «Мерке ет комбинаты» ЖШС мал дәрігері; 11. Андрей Голубцов – Жамбыл ГРЭС-інің машинисі; 12. Татьяна Жуковская – «Ali-Ko Sut 2023» ЖШС бас технологі; 13. Нұрталап Қожамқұлов – «Рысбаева и Ко» ЖШС баспагері; 14. Шынар Сүгірбаева – «Амир и Д» ЖШС технологі.
Бұл марапаттар елімізде еңбек культінің нығайып келе жатқанын дәлелдейді. Президенттің бұл шешімі қарапайым маман иелерінің мәртебесін көтеріп, жастарды адал еңбек етуге ынталандырады.
