8 тамызда Қазақстанның 15 облысында, сондай-ақ Астана мен Шымкент қалаларында дауылды ескерту жарияланды.
Бұл туралы «Қазгидромет» РМК мәлім етті, деп хабарлайды 7-su.kz ақпараттық порталы.
Астанада найзағай ойнап, солтүстік-шығыс бағыттан соққан желдің жылдамдығы секундына 15-20 метрге жетпек.
Шымкентте төтенше өрт қаупі сақталады.
Батыс және солтүстік өңірлерде, сондай-ақ Абай облысында күндіз найзағай түсіп, бұршақ жаууы ықтимал. Желдің екпіні кей жерлерде секундына 15-20 метрге дейін күшейеді. Бірқатар аймақта өрт қаупі жоғары деңгейде болады.
Ақмола, Ақтөбе, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан және Ұлытау облыстарында найзағай, бұршақ, қатты жел және аптап ыстық (35-41 градусқа дейін) күтілмек. Кей өңірлерде тұман түсіп, шаңды дауыл соғады.
Ең жоғары температура Қызылорда облысында 40-41 градусқа, Маңғыстау облысында 38-40 градусқа дейін көтеріледі.
Көптеген өңірде өрттің таралу қаупі жоғары немесе төтенше деңгейде. Мамандар тұрғындарға қауіпсіздік шараларын сақтауды ескертеді.
