Алматы облысындағы мектеп-интернаттың балалары тозығы жеткен ғимаратта тұрып жатыр, деп хабарлайды Ulysmedia.kz.
Бұл туралы И.Нүсіпбаев атындағы мектеп-интернатта болып, тәрбие ошағын аралап көрген балалар құқығы жөніндегі уәкіл Динара Закиева мәлім етті.
6 жастан асқан 170 бала жаға ұстарлық жағдайда өмір сүріп жатыр. Үш жыл бұрын күрделі жөндеу жұмыстары басталды, бірақ мердігер жұмысты аяқтамады және жауапсыз деп танылды. Балалар тозығы жеткен ғимаратта тұруға, оқу ғимаратында түнеуге, спортзалда тамақтануға мәжбүр, — деді балалар құқығы жөніндегі уәкіл Динара Закиева.
Омбудсмен бұл мәселені облыс басшылығымен талқылады. Әкімдік мәселені шешудің түрлі жолдарын қарастырып жатыр: жөндеу аяқтау немесе жаңа интернат салу көзделген. Әзірге балаларды басқа интернатқа ауыстыру туралы шешім қабылданды, онда таяуда ғана жөндеу жұмыстары аяқталған және бос орындар бар.
Фото: Динара Закиева парақшасынан
