Бүгінде кез келген өнімді, соның ішінде тағамды да интернеттен тапсырыс беріп алдыртуға болатыны белгілі. Алайда ғаламтор арқылы тамаққа тапсырыс беру кезінде абай болған жөн.
Бұл туралы Астана қаласының санитариялық-эпидемиологиялық бақылау департаменті басшысының орынбасары Мұхамғали Арыспаев айтып берді.
«Күмәнді» сайттар арқылы үйде дайындалған аспаздық, кремді-кондитерлік өнімдерді және консервіленген өнімдерді сатып алмаңыз. Қоғамдық тамақтандыру өнімдері дайындайтын стационарлық объектінің (өндірістік цехтың) бар екендігіне көз жеткізіңіз, осы деректерді 2ГИС қосымшасы арқылы тексеріңіз. Сондай-ақ пікірлерді сайтынан немесе 2ГИС-тен оқыңыз, — деп түсіндірді ведомство өкілі.
Сонымен қатар ол ақша аударғанда да абай болуды ескертті.
Жеке тұлғаларға төлемдерді аудармаңыз, кәсіпкердің деректемелері мен сатушының мекенжайы көрсетілген фискалдық түбіртек алатын-алмайтыныңызды тексеріңіз. Тапсырысты алған кезде мынаны тексеріңіз:
- қаптаманың (контейнерлердің) тұтастығы және ластануының болмауы;
- өнімдерде көрінетін зақымдардың болмауы (шетелдік қосындылар);
- әрбір орамада мыналарды көрсететін этикетканың болуы: ыдыстың (өнімнің) атауын, тамақ өнімінің атауы мен өндірісінің мекен-жайын, дайындалған уақыты мен күнін, жарамдылық мерзімі мен сақтау шарттарын, дайындау бойынша ұсыныстарды (қажет болған жағдайда);
- өнімнің сақтау мерзімі мен сақтау шарттары туралы болуы қажет.
Сатып алған тауардың түбіртегін 5 күн бойы сақтаңыз. Ыстық тағамдарды бірден жеп, келесі күнге қалдырмаған дұрыс. Жеке гигиена ережелерін сақтаңыз. Тамақтан улану белгілері пайда болған жағдайда дереу дәрігерге жүгініңіз, — деді Мұхамғали Арыспаев.
Дереккөз: BAQ.KZ.
Фото: freepik.com
