Талғар ауданында көлік апатынан 41 жастағы жүргізуші мерт болды. Бұл туралы «Жетісу» газеті хабарлады.
Алматы облыстық полиция департаменті баспасөз қызметі ұсынған мәліметке сәйкес, оқиға таңғы сағат 08:00 шамасында Талғар — Ақбұлақ тасжолында болған. Алдын ала болжам бойынша «Mitsubishi Galant» көлігінің жүргізушісі «Паз-3206» автокөлігіне жол бермей қойған. Салдарынан екі көлік соқтығысқан. Оқиға орнында «Mitsubishi Galant» көлігінің жүргізушісі қаза тапты. Өзге зардап шегушілер жоқ. «Аталған фактіге сәйкес ҚР Қылмыстық кодексінің 345-бабы, 3-тармағы бойынша сот алды тергеу басталды. Қажетті сараптамалар тағайындалды», делінген департамент хабарламасында.
«ЖЕТІСУ-АҚПАРАТ»
