Талғар ауданында тағы бір қайғылы жағдай. Аудан орталығында үш жасар қыз көлік астына түсіп, мерт болды. Бұл жайында «Жетісу» газеті мәлімдеді.
«Mercedes-Benz Sprinter көлігінің 24 жастағы жүргізушісі батыс бағыттан М.Қашқари көшесі бойымен келіп, тұрғын үй ауласына кіргенде 2018 жылғы бүлдіршін қызды қағып кетті», — деп хабарлады Алматы облыстық полиция департаментінен.
Оқиға орнына жетіп, мән-жаймен қаныққан учаскелік полиция қызметкері жәбірленушіні әкесімен бірге ауруханаға алып кетті. Өкінішке қарай, жол-көлік оқиғасы кезінде алған жарақатынан қыз бала ауруханада көз жұмды. Бұл дерек бойынша ҚР Қылмыстық кодексінің 345-бабы, 3-бөлігі бойынша сотқа дейінгі тергеу жүргізілуде. Сараптама тағайындалды.
«ЖЕТІСУ-АҚПАРАТ»
Сурет — ғаламтордан
