Төтенше жағдайлар департаментіне жексенбіден дүйсенбіге қараған түнде, сағат 23:07-де Талдықорған қаласы «Самал» шағынауданында «Шашу» мейрамханасы өртеніп жатқаны туралы хабарлама келіп түсті. Бұл туралы «Жетісу» газеті хабарлады.
Аталған мекенжайға өртке қарсы бөлім қызметкерлері жедел түрде жетті. Алдын ала анықталғанындай, уақытша жұмыс істемей тұрған мейрамхана ішін жалын шарпығаны белгілі болды. Абырой болғанда, жедел алдын алу шарасы жүргізіліп, нысандағы өрт сағат 23:57-де сөндірілді. Өрттің аумағы 120 шаршы метрді қамтыды.
Жалпы, мейрамхана 400 шаршы метрді құрайды. Құрбан болғандар мен жарақат алғандар жоқ. Өрт сөндіруге Алматы облысы төтенше жағдайлар департаментінің 31 қызметкері мен 9 техникасы жұмылдырылды.
«ЖЕТІСУ-АҚПАРАТ»
