Талдықорған қаласында жылу желілерін жаңғырту жұмыстары жүргізіледі. Осыған байланысты ұзақ мерзімді шектеулер енгізіледі. Бұл туралы қалалық әкімдік баспасөз қызметі мәлімдеді, – деп хабарлайды 7-su.kz ақпараттық порталы.
Қалалық әкімдіктің баспасөз қызметінің мәліметінше, 30 сәуір күні Жансүгіров көшесінде (Ескелді би және Гагарин көшелерінің аралығы) диаметрі 700 мм магистральдық жылу желілерін жаңғырту жұмыстары басталады. Осыған байланысты «Ұлан», «Жетісу» шағын аудандары мен қала орталығындағы бірқатар көпқабатты тұрғын үйлерде 30 сәуір мен 1 мамыр аралығында ыстық су уақытша тоқтатылады.
Сонымен қатар, 30 сәуір мен 30 шілде аралығында Ш. Уәлиханов көшесіндегі №183, 183А, 183Б, 195 тұрғын үйлерге ыстық су беру толық тоқтатылады.
Жол қозғалысына да шектеулер енгізіледі. 2 мамырдан бастап Жансүгіров көшесі бірінші кезеңде Гагарин көшесінен Желтоқсан көшесіне дейінгі аралықта жабылады. Қалған бөліктері жөндеу жұмыстарының аяқталуына қарай кезең-кезеңімен жабылады.
Қала әкімдігі тұрғындарды жол жүру бағыттарын алдын ала жоспарлап, уақытша енгізілген шектеулерді ескеруге шақырады.
Посмотреть эту публикацию в Instagram
