Қазақстан мен Қырғызстан арасындағы мәдени-гуманитарлық байланыстың берік белгісіне айналған Бішкек қаласындағы №33 мектеп-гимназиясы екі бауырлас елдің ортақ тарихи жадының жарқын символына айналып отыр, – деп хабарлайды 7-su.kz ақпараттық порталы.
Аталған білім ордасының іргетасы алғаш рет 1940 жылы қаланған. Ал сұрапыл соғыс басталған 1941 жылы ғимаратта Фрунзе әскери жаяу әскер училищесі орналасып, майданға атанған офицерлерді даярлау орталығы болды. Осы майдангерлердің арасында майданға аттанып, кейін танымал қаламгерге айналған Кемел Тоқаев та бар еді. Бүгінде тарихи ғимаратта өскелең ұрпақ білім алып, балалардың шат күлкісі естіледі. Атақты майдангер әрі жазушының есімін арқалаған бұл мектеп – екі халық арасындағы рухани сабақтастықтың көрінісі.
