Талдықорғанда «Таза Қазақстан» бағдарламасы мен «Заң мен тәртіп» қағидатын іске асыру аясында бүгін мобильді топ Қаратал көшесінде рейдтік шара өткізді.
Рейд қала әкімінің орынбасары Қуаныш Сейтімбетовтың жетекшілігімен өтті. Оған экобелсенділер, тұрғын үй-коммуналдық шаруашылық бөлімінің мамандары, полиция басқармасының қызметкерлері және еріктілер қатысып, қала аумағының санитарлық жағдайына мониторинг жүргізді.
Шара барысында қоғамдық тәртіптің сақталуы, абаттандыру және санитарлық тазалық талаптарының орындалуы тексерілді. Сонымен қатар қоқыс пен инертті материалдарды заңсыз орналастыру деректері назарға алынып, арықтарды тазалау және ағаштарды санитарлық мақсатта кесу бойынша тиісті тапсырмалар берілді.
Анықталған құқық бұзушылықтар бойынша тиісті шаралар қабылданып, құқық бұзушыларға түсіндіру жұмыстары жүргізілді.
Осындай рейдтік іс-шаралар әр бейсенбі күні тұрақты түрде өткізілетін болады.
