Аталған монеталар Ұлы Отан соғысындағы Жеңістің 80 жылдығына орай шығарылып отыр. Ұлттық банк өкілдерінің айтуынша, бұл бастама — ерлік пен жанқиярлықтың символына айналған тарихи оқиғаны мәңгілік есте қалдыру, сонымен қатар жас ұрпақты отансүйгіштікке тәрбиелеу мақсатында қолға алынған.
«Монеталар Ұлы Жеңістің тарихи жадын ұлықтап, мәдени және тарихи мұраны сақтауға деген ұмтылысты білдіреді», — делінген банк таратқан ресми хабарламада.
Монеталар дизайны мен сипаттамасы
Коллекциялық монеталарда қаза тапқан жауынгерлерге тағзым ретінде мәңгілік алау бейнеленген. Сонымен қатар, «80» саны жеңіс лентасы іспетті ою-өрнекпен көмкеріліп, Қазақстан Республикасының Мемлекеттік Туының элементтерімен үндестірілген стильде жасалған.
Монеталар екі нұсқада ұсынылады:
-
Күміс монета:
-
Құрамы: алтын жалатылған 925 сынамды күміс
-
Салмағы: 31,1 грамм
-
Диаметрі: 38,61 мм
-
Өңдеу тәсілі: түрлі-түсті баспа, «proof» сапасы
-
Номиналы: 1 000 теңге
-
Таралымы: 2 000 дана
-
-
Биколорлы металл монета:
-
Құрамы: нейзильбер/нибрас қорытпасы
-
Салмағы: 7,5 грамм
-
Диаметрі: 26 мм
-
Номиналы: 200 теңге
-
Таралымы: 10 000 000 дана
-
Монеталар Қазақстан Республикасының бүкіл аумағында заңды төлем құралы ретінде қабылдануға міндетті. Коллекциялық бұйымдарды дайындау жұмыстары Қазақстан теңге сарайында жүзеге асырылған.
Монеталардың сатылымға шығатын күні кейінірек жарияланады.
