Алматы облысының төтенше жағдайлар департаменті «Қазгидрометтің» ескертуін жариялады.
«2022 жылдың 11 қыркүйегінде Алматы облысының таулы және тау бөктеріндегі аудандарында қатты жаңбыр жауып, күн күркірейді. Батыстан және солтүстік-батыстан жел соғады. Желдің екпіні 25 м/с-қа жетеді. Азаматтарды ауа райының өзгеруін бақылауға және сақтық шараларын қатаң ұстануға шақырамыз», — делінген департамент хабарламасында.
11 қыркүйекте Жетісу облысында да қатты жаңбыр жауады, найзағай күтіледі. Облыстың солтүстігі мен шығысында таулы аудандарда оңтүстік-батыстан 18-23 мс жылдамдықпен жел соғады.
Талдықорған қаласында күндіз найзағай ойнап, оңтүстік-батыстан жел соғады деп күтілуде. Сондай-ақ, облыстың басым бөлігінде төтенше өрт қаупі сақталады.
Дауылды ескертулер және басқа да шұғыл ақпаратты жедел алу үшін «Дәрмен» тегін мобильді қосымшасын жүктеуге болады.
«ЖЕТІСУ-АҚПАРАТ»
