Соның бір дәлелі – күні кеше облыста жастардың белсенділігін арттыру, оларды кәсіпкерлікке, жұмыспен қамтуға және шығармашылық бағыттарға тарту мақсатында ұйымдастырылған «QOSYL FEST» жобасы өз жұмысын бастады. Жоба «Jetisy jastary» КММ-нің бастамасымен жүзеге асырылуда.
Сарқан қаласының орталық алаңында өткен фестиваль аясында кәсіптік бағдар мен танымдық кездесулер жоғары деңгейде өтті. Орталық алаңдағы шарада жұмыспен қамту және мемлекеттік бағдарламалар бойынша кеңестер, спорттық және интеллектуалдық ойындар, экологиялық бағыттағы «QOSYL: ЭкоQuiz» ойыны, ашық аспан астындағы концерттік бағдарламалар мен кино көрсетілді. Көңілді форматтағы тағамдық сәттер – Бауырсақ Party, Арбуз Party өткізілді.
Іс-шараға келген қонақтар алдымен «Жоңғар Алатауы» МҰТП-нің, Сарқан политехникалық колледжінің, №3 облыстық мектеп-интернатының шәкірттерінің өз қолдарымен жасаған қолөнер бұйымдары, аудандық кітапхананың кітап көрмесімен танысып, Сарқан көпсалалы колледжі, аудандық балалар шығармашылық үйінің түлектері кескіндеген бейнелеу өнері көрмесін тамашалады. Келесі кезекте «Жастар» саябағында жас буын өкілдері аудан әкімінің орынбасары А. Байғонысов пен аудандық ардагерлер үйінің төрағасы Қ. Жанасбековке көкейлерінде жүрген сауалдарын қойып, еркін форматта әңгімелесті.
«QOSYL FEST» жобасының басты мақсаты – жастарға жан-жақ қолдау көрсету.
Фестиваль әрі қарай орталық алаңда Қ.Тастанбеков атындағы аудандық Мәдениет үйі дайындаған концерттік бағдарламасымен жалғасты.
Жақсылық ИГІМАН
Сарқан ауданы
