Жер – халықтың мұрасы. Асыл қазынасы. Қасиетті қара жерді тиімді пайдалану – азаматтық парыз. Ал игерілмей жатқан жер мемлекет еншісіне өтуі тиіс. Осы жұмыспен айналысатын жер ресурстарын басқару департаментінің бір жылда атқарған жұмысына көңілің толады. Жүйелі әрі уақытылы атқарылған жұмыс нәтижесінде мекеменің республика бойынша алдыңғы орыннан көрінуі де үлкен жетістік.
Жетісу облысы бойынша аэроғарыштық зерттеулер арқылы жалпы көлемі 857,2 мың гектар пайдаланылмай жатқан ауылшаруашылығы жерлері анықталған.
Жер ресурстарын басқару департаменті және аудан, қала әкімдіктерінің тарапынан пайдаланылмай жатқан жерлерді қайтару жұмысы жақсы нәтиже көрсетуде. 128,7 мың гектар жер мемлекет меншігіне қайтарылып, мәліметтер Геопорталға енгізілді. 327,0 мың гектар қайта пайдалануға кіріскен. 401,5 мың гектар пайдаланбай жатқан жайылымдық жерлер бойынша 1143 жер пайдаланушыға бұзушылықтарды жоюға 1 жыл мерзімге ескертулер берілді. Бүгінгі таңда 58,9 мың гектар жер учаскелері мемлекеттік меншікке қайтарылды. 326,8 мың гектар жерлерге мал басы тіркеліп, жер учаскелері қайта айналымға енгізілді. Қалған 15,0 мың гектар бір жер пайдаланушының жер учаскесін мемлекет меншігіне қайтару бойынша сотқа талап-арыз жолданды. 918,2 гектар 2 жер пайдаланушысына берілген нұсқаманы орындау туралы ескерту жолданды.
2023 жылға 220 мың гектар ауылшаруашылық жерлерді қайтару жоспарланған. Жоспар жоғары деңгейде орындалды. 245 мың 084 гектар жер мемлекет меншігіне қайтарылды. Оның 7 531 гектары егістік, 235 537 гектары жайылым, 377 гектары шабындық және 1 638 гектары басқа да жерлер, ауылшаруашылығы мақсатындағы жерлер мемлекет меншігіне қайтарылды. Жоспар 111,40 пайызға орындалған.
Жыл басынан 132 жоспардан тыс тексерулер жүргізілген. Нәтижесінде 109 заңбұзушылық анықталып, нұсқамалар берілген. 23 тексеру бойынша заңбұзушылық анықталмаған. 29 коммерциялық жерлерге, оның ішінде 24 тексеруде заңбұзушылық анықталып, орындалуға міндетті нұсқамалар берілді. 44 жергілікті атқарушы органдарға, 9 «Азаматтарға арналған үкімет» мемлекеттік корпорациясы» коммерциялық емес акционерлік қоғамына осындай нұсқамалар тапсырылды. 50 ауылшаруашылығы мақсатындағы жерлерге жалпы көлемі 51 254 гектар құрайтын тексеру жұмыстары жүргізілді. Нәтижесінде 37 субъектінің пайдаланылмайтын 45 394,8 гектарды құрайтын ауылшаруашылығы мақсатындағы жерге 1 жыл мерзімге орындалуға міндетті нұсқама берілді.
Қазақстан Республикасының Әкімшілік құқықбұзушылық туралы кодексінің 338-бабына сәйкес 13 жер пайдаланушыға ескерту түрінде әкімшілік жауапкершілік қолданылған. 15 жер пайдаланушыға жалпы сомасы 1 миллион 216 мың 125 теңгені және Қазақстан Республикасының Жер кодексінің 150-153-баптарының талаптарын сақтамағаны үшін «Азаматтарға арналған үкімет» мемлекеттік корпорациясы» коммерциялық емес акционерлік қоғамына жалпы сомасы 103 мың 500 теңгені құрайтын әкімшілік айыппұл салынды. Қазіргі таңда 1 миллион 319 мың 625 теңге мемлекет кірісіне өндірілді.
«Жетісу-Ақпарат»
Фото: gov.kz
