25 мамырда Қазақстанның бірқатар өңірінде дауылды ескерту жарияланды. Кей аймақтарда найзағай мен жаңбыр болжанса, Жетісу облысында негізгі қауіп – қатты жел мен жоғары өрт қаупі жоғары, – деп хабарлайды 7-su.kz ақпараттық порталы.
«Қазгидромет» мәліметінше, Жетісу облысында солтүстік-шығыстан жел соғады. Әсіресе Алакөл көлдері ауданында жел екпіні секундына 15-20 метрге дейін жетеді деп күтілуде.
Сондай-ақ облыстың солтүстігінде, батысында, оңтүстігінде және орталығында жоғары өрт қаупі сақталады. Ал шығыс бөлігінде төтенше өрт қаупі жарияланған.
Айта кетейік, еліміздің солтүстік және шығыс өңірлерінде жаңбыр, найзағай, тіпті үсік жүруі мүмкін. Мәселен, Абай мен Шығыс Қазақстан облыстарында түнде 2 градусқа дейін үсік жүреді деп болжанса, Қызылорда облысында шаңды дауыл күтіледі. Ал Маңғыстау мен Атырау облыстарында да өрт қаупі жоғары деңгейде сақталып отыр.
