Жетісу облысы бойынша 8 аудан, 2 қала әкімдігі мен 22 облыстық басқарма «Е-Өтініш» ақпараттық жүйесіндегі Білім базасы модуліне жеке және заңды тұлғалар тарапынан жиі көтерілетін мәселелер бойынша сұрақ-жауаптарды тоқсан сайын жаңартып, мемлекеттік және ресми тілде енгізуді тұрақты түрде жүзеге асырып келеді.
Азаматтардың өтініштері бойынша енгізілген сұрақ-жауаптар облыс әкімінің аппаратындағы өтініштердің қаралуын бақылау бөлімімен ай сайын зерделеніп, талдау жасалады. Бұл жұмыс тұрғындармен өзара тиімді байланыс орнатуға және әкімшілік рәсімдердің бірізділігін қамтамасыз етуге бағытталған.
Қазіргі уақытта Білім базасын толықтыру үшін келіп түскен өтініштер сараланып, әкімшілік рәсімдердің біркелкілігін сақтау мақсатында жиі қойылатын 50 сұрақтың тізбесі (мемлекеттік және ресми тілде) Қазақстан Республикасы Үкіметі Аппаратына жолданды.
Сондай-ақ, «Е-Өтініш» ақпараттық жүйесінде Білім базасын масштабтау жөніндегі пилоттық жобаны тиімді жүзеге асыру мақсатында 2025 жылғы 5 наурызда өткен жиынға облыстан екі қызметкер қатысып, тәжірибе алмасты.
ҚР Цифрлық даму, инновациялар және аэроғарыш өнеркәсібі министрлігінің ұйымдастыруымен аталған пилоттық жоба бойынша аумақтарда оқыту курстары өткізілетін жағдайда, қосымша қатысушылардың тізімі алдын ала ұсынылған.
