Жетісу облысында мәслихат депутаты бірнеше азаматты алдап, олардың мүлкін заңсыз түрде иемденіп алғаны туралы мәлімет тарады, деп хабарлайды 7-su.kz ақпараттық порталы.
Зардап шеккендердің айтуынша, AMANAT партиясынан сайланған Жетісу облыстық мәслихатының депутаты Жарылқасын Болатұлы оларды жүздеген миллион теңгеге алдап, мүліктерінен айырған.
«Бұл коммерциялық мекемені сатып алдым. Банк арқылы ақшасын аудардым. Қолымда барлық түпнұсқа құжаттар бар. Бірақ әлі күнге дейін менің атыма рәсімделген жоқ. Қазір басқа адамдар бұл нысанды пайдаланып, құрылыс жұмыстарын бастап кеткен. Ал ақшасын алған – Жетісу облысы мәслихатындағы Жарылқасын Болатұлы. Бұған дейін де бірнеше адам алданып қалған. Бірақ ол адамның депутат екенін білген соң, ештеңе дәлелденбейді деп, арыз жазбай отыр», – дейді жәбірленушілердің бірі.
Әлеуметтік желіге жарияланған видеода, құқық қорғау органдары әзірге ешқандай әрекетке көшпегені айтылады. Себебі қылмыстық істің фигуранты – халық қалаулысы.
Аталған жағдайға қатысты ресми органдар әзірге түсініктеме берген жоқ.
Посмотреть эту публикацию в Instagram
