Талдықорған: +14°C
$ 455.00
€ 498.77
₽ 5.56
  • Комплаенс қызметі
  • Сыбайлас жемқорлық картограммасы
Advertisement
29 қараша — Мәслихаттар депутаттарының сайлауы
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР КҮНДЕРЕК

Жетісуда табиғатты ластаған кәсіпорындарға 303 млн теңгеден астам айыппұл салынды

18 маусым 2026
КҮНДЕРЕК
Жетісуда табиғатты ластаған кәсіпорындарға 303 млн теңгеден астам айыппұл салынды
WhatsAppTelegramFacebook

Елімізде «Таза Қазақстан» ауқымды экологиялық акциясы қарқынды жүруде. Тазалықты тек көше сыпыру немесе ағаш егумен шектеуге болмайды. Оның негізінде қоршаған ортаға зиян келтіретін алпауыт кәсіпорындардың жауапкершілігі мен заң үстемдігі жатыр. Талдықорған қаласындағы Бейсен Құранбек атындағы журналистер үйінде өткен брифинг Жетісу облысындағы экологиялық мәселелердің қаншалықты күрделі екенін көрсетті.

Өңірлік экология департаментінің басшысы Тілеухан Байқуатовтың баяндамасы аймақтағы табиғат қорғау саласындағы қордаланған түйткілдерді ашыққа шығарды.

Жыл басынан бері экологтар 17 ірі нысанды тексеріп, нәтижесінде 66 заң бұзушылықты анықтады. Оның жартысынан астамы, нақтырақ айтсақ 39-ы – өрескел қателіктер. Табиғатты ластаушыларға салынған әкімшілік айыппұлдың жалпы сомасы 303,7 миллион теңгені құрады. Бұл қаржының 99 пайызы қазірдің өзінде мемлекет қазынасына өндірілген.

Тілеухан Байқуатов өз сөзінде кәсіпорындардың жауапсыздығына тоқталып:

«Біздің басты мақсатымыз – экологиялық мониторингтің сенімділігін қамтамасыз ету және өңірдің қауіпсіздігін арттыру. Әсіресе, Сырымбет ауылы тұрғындарының ұжымдық арызынан кейін жүргізілген тексерістер бірнеше ірі заңсыздықтың бетін ашты», – деп атап өтті.

Экологиялық дабылдың ең қатты соғылған тұсы – «Текелі-мрамор» ЖШС-нің қызметіне қатысты болды. Анықталғандай, бұл зауыттың экологиялық рұқсат құжатының мерзімі 2025 жылдың соңында аяқталған. Соған қарамастан, кәсіпорын жарты жыл бойы заңсыз жұмыс істеп келген. Қазіргі уақытта департамент аталған зауыттың жұмысын сот арқылы уақытша тоқтату мәселесін қарастырып жатыр.

Тағы бір өрескел жағдай «Алатау Мрамор» ЖШС-нде тіркелді. Кәсіпорын рұқсатсыз жарылыс-бұрғылау жұмыстарын жүргізіп қана қоймай, ауаны шаңнан қорғайтын су шашу шараларын мүлдем ұйымдастырмаған. Осындай жауапсыздықтар өңірдегі «Таза Қазақстан» қағидатына мүлдем қайшы келеді.

Облыстағы ең ауыр мәселенің бірі – қатты тұрмыстық қалдықтар полигондары. Өңірдегі 7 ресми полигонның тек үшеуінде ғана (Талдықорған қаласы, Қаратал және Көксу аудандары) тиісті экологиялық рұқсаттар бар. Ал Ескелді, Кербұлақ, Панфилов және Сарқан аудандарындағы полигондар ешқандай құжатсыз жұмыс істеуде.

Оған қоса, бұл аумақтарда жиі өрт шығып, қоршаған ортаға орасан зор зиян келуде. Қоқыс өңдеу деңгейі де көңіл көншітпейді. Жетісуда жылына 220 мың тонна қалдық түзілгенімен, оның тек 17,8 пайызы ғана қайта өңделеді. Бұл – өңірде сұрыптау желілерінің жоқтығынан туындаған олқылық.

Департамент басшысы бұл түйткіл туралы:

«Облыста рұқсат етілмеген қоқыс үйінділері мәселесі өзекті күйінде қалып отыр. Геопортал арқылы 35 заңсыз орын анықталды, бірақ оның тек 11-і ғана жойылды. Осы жұмысқа салғырт қараған лауазымды тұлғалар жауапқа тартылды», – деді.

Қоқысты уақтылы тазаламағаны үшін бірнеше шенеунікке айыппұл салынды. Олардың қатарында Текелі қаласы мен Ақсу ауданы әкімдерінің орынбасарлары, сондай-ақ Талдықорған, Ескелді және Көксу аудандарының тұрғын үй-коммуналдық шаруашылық бөлімдерінің басшылары бар. Оларға жалпы сомасы 1,3 млн теңге көлемінде жеке айыппұл кесілді.

Дегенмен, экология саласында ілгерілеу де жоқ емес. Мәселен, өңірдегі ірі кәсіпорындар – «Alacem» және «Талдықорғантеплосервис» шығарындыларды автоматты түрде мониторингтеу жүйесін енгізді. Енді олардың ауаны қалай ластап жатқаны туралы деректер экологтарға онлайн режимде түсіп тұрады. Сондай-ақ, биыл I санаттағы кәсіпорындар үшін шығарындылар лимиті 3,1 пайызға төмендетілді.

Брифинг соңында спикер:

«Экологиялық заңнама талаптарына сәйкес коммуналдық қалдықтарды басқару бағдарламалары әзірленуде. Бұл құжаттар инвестиция тартуға және жүйелі жұмыс істеуге мүмкіндік береді», – деп қорытындылады.

«Таза Қазақстан» –  тек тазалық емес, бұл әрбір кәсіпорын мен әрбір азаматтың заң алдындағы жауапкершілігі. Жетісуда басталған бұл «экологиялық тазалау» жұмыстары алдағы уақытта да жалғасын таппақ. Табиғатты қорғау – болашақ ұрпақ алдындағы ортақ парызымыз.

Мәулен Әнербай

 

Қатысты жаңалықтар

54 түрлі өнім ұсынылды

54 түрлі өнім ұсынылды

Бүгін, 10:43
Жұмылдыру дайындығы не үшін қажет және әркім нені білуі керек?

Жұмылдыру дайындығы не үшін қажет және әркім нені білуі керек?

21 қараша 2026
Бақтыбай ауылында Мәдениет үйі есігін ашты

Бақтыбай ауылында Мәдениет үйі есігін ашты

21 қараша 2026
Қазақстанның курорттық аймақтарында туристік қызметтер көлемі артуда

Қазақстанның курорттық аймақтарында туристік қызметтер көлемі артуда

20 қараша 2026
Алакөл аудандық мәслихатының депутаттығына кандидат Каримов Досан Елжанұлы

Ақсу аудандық мәслихатының депутаттығына кандидат Қалиақпаров Бауыржан Есболатұлы

20 қараша 2026

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • МӘСЛИХАТТАР САЙЛАУЫ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.