Мектепке дейінгі тәрбие мен оқытуды ұйымдастырудың жаңа әрі заманауи әдіс-тәсілдерін жүзеге үшін үздік педагогикалық тәжірибені анықтау, жалпылау және тарату мақсатында республикалық «Мектепке дейінгі ұйымның үздік педагогі» байқауының облыстық кезеңі өтті. Оған өңірдегі 2 қала мен 8 ауданнан он балабақша тәрбиешісі қатысты.
Мектепке дейінгі ұйымдармен жұмыс жүргізу барысында педагогтардың үздік идеялары мен жаңашыл бастамаларына мән бердік. Үміткерлердің кәсіби шеберлігі ескерілді. Балаларды оқытудағы инновациялық озық әдіс-тәсілдерді қалай тиімді қолдана алды әрі кәсіби жетістіктері сараланды, дейді облыстық әдістемелік орталық директоры Ғалия Мухметова.
Аталған байқау балабақша тәрбиешілерінің өзара тәжірибе алмасып қана қоймай, кәсіби өсуіне негіз болатын алаң. Мұнда бірнеше жылдан бері қызмет етіп келе жатқан мамандармен қатар 5 жыл қызмет еткен тәрбиешілер де бақ сынады.
Нәтижесінде бас жүлдені Панфилов ауданы, «Балдырған» балабақшасының тәрбиешісі Жазира Нурмухамбетова алды. I орынға қараталдық «Балбөбек» бөбекжай-балабақшасының тәрбиешісі Аружан Жақсыбекова лайық деп танылды. II орын сарқандық санаторлық тобымен «Балдырған» бөбекжай-балабақшасының тәрбиешісі Айнур Амреноваға бұйырды. III орынды Талдықорған қаласы №42 балабақша тәрбиешісі Гульназ Курманжанова иеленді. Ал «Креативті педагог» номинациясын иеленген көксулық «Алпамыс» бөбекжай-балабақшасының тәрбиешісі Айгерим Рахимжан алды.
Қатысушылар арнайы дипломға ие болса, жеңімпаз республикалық кезеңге жолдама алды.
Дереккөз: baq.kz
