Біз осыған дейін Алакөл ауданы Лепсі ауылының тұрғындары 50-60 жылдан бері ауызсуды тасып ішіп отырғаны жайлы материалды республикалық ақпарат агенттінің мәліметі бойынша жариялаған болатынбыз.
Тақырыпқа орай: «Уәделеріне тойдық»: Жетісу облысында ауызсуды өзеннен ішетін тұрғындар шағым жасады
Тіпті, құдықтан алыс тұратындары өзен суын пайдаланып жүр. Аталмыш мәселеге баланысты Алакөл ауданының әкімдігі төмендегідей жауап берді.
Алакөл ауданы, Лепсі ауылдық округінде 1031 халық бар. Ауылға орталықтандырылған ауыз су жүйесін салуға 2024 жылы жобалық сметалық құжаттары әзірленіп, сараптаманың оң қорытындысы алынды. Жоба құны 2 млрд 900 млн. теңгені құрайды.
Тапсырыс беруші: Аудандық тұрғын үй коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі. Мердігер: «Сапа құрылыс» ЖШС-гі.
Жоспарға сәйкес, биылғы жылдың мамыр-маусым айларында орталықтандырылған ауыз су жүйесінің құрылыс жұмыстары бастау алатын болады.
«Жетісу-Ақпарат»
Фото: Айбек Құттыбек/Kazinform
