Соңғы бірнеше жыл ішінде ақпараттық-коммуникациялық технологияларды белсенді енгізудің арқасында бұқаралық ақпарат құралдары қызметінің сипаты айтарлықтай өзгерді. Диджитализация процесі бұқаралық ақпарат құралдары мен коммуникация дамуының жаңа дәуірі басталғанын көрсетеді.
Медиа-ұйымдар аудиторияның қажеттіліктерін қадағалауға, қалаған контентті автоматты түрде жасауға және оны аударуға, журналистерді сенсациялық оқиғалар туралы уақтылы ескертуге және т.б. мүмкіндік беретін жасанды интеллект технологияларына назар аудара бастады.
Журналистиканы зерттеу институты жариялаған жыл сайынғы БАҚ тенденциялары туралы баяндамада әлемдік БАҚ жетекшілерінің сауалнамалары туралы мәліметтер келтірілген: респонденттердің 78%-ы биылғы жылы жасанды интеллект технологиясына көбірек ресурстар салуды жоспарлап отырғанын айтты.
Проблемаларды шешу үшін, атап айтқанда компанияның бәсекелестік позициясын нығайту үшін тек технологияны қолданудың айтарлықтай кемшілігі жоқ. Алайда егер аудиторияға назар аудармаған жағдайда, тіпті ең озық технологиялардың өзі медиа индустрияны құтқара алмайтын жағдайға жетеді, тіпті кадрлар санының азаюына тап болу мүмкіндігі де жоқ емес.
Технологияның өзі медианы толыққанды дамыта алмайды, маңызды сұрақтарға жауап бере алмайды және көшбасшылықтың тиімділігін арттыра алмайды. Ал жоғары сапалы, жауапты журналистика аталған мәселелерді шешетіні анық. Бірақ бұл мақсатты орындау үшін БАҚ тенденцияларға шектен тыс мән бермей, оның орнына аудитория мен қызметкерлерге деген қатынастарын реттесе, қандай бағытта болмасын медиа стратегиялардың жүзеге асуына күмән болмайды.
Аяна Ермуханбетова,
І.Жансүгіров атындағы Жетісу университетінің
4-курс студенті
Фото: mediazavod.ru
