Жетісу облысының әкімдігі, Жетісу білім басқармасы, «Жетісу дарыны» облыстық дарынды балалар мен талантты жастарды анықтау және қолдау оқу-әдістемелік орталығы 30 мамыр күні сағат 10.00-де Талдықорған қаласы «Оқушылар сарайы» ғимаратында Халықаралық, республикалық деңгейдегі зияткерлік сайыстардағы жеңімпаздар мен жүлдегерлерін Жетісу облысы әкімінің орынбасары Көлбаев Марлен Қапашұлының және облыстық білім басқармасы басшысы Жүнісов Даурен Хабдолданұлының қатысуымен «Жыл үздігі — 2025» салтанатты марапаттау рәсімін өткізді.
Мақсаты — дарынды балаларды әлеуметтік-педагогикалық қолдау, оқушылардың білім алуға, зерттеу қызметімен айналысуға деген ынтасын арттыру,қазақстандықжоғары патриоттық сезімдер қалыптастыру, үздік оқушыларды жоғары жетістіктері үшін марапаттау, Жетісу облысының үздік олимпиадалық командаларын көтермелеу.
Бұл маңызды шарада Республикалық ғылыми жобалар конкурстарының халықаралық және республикалық жеңімпаздары мен Жалпы білім беретін пәндер бойынша 5-6, 7-8, 9-11 сынып оқушыларына арналған республикалық олимпиаданың республикалық және халықаралық олимпиадалардың жеңімпаздары, сонымен қатар республикаклық деңгейдегі Үздік білім беру мекемесі марапатталды.
Облыс бойынша 100 жуық дарынды оқушылар, облыстық білім беру ұйымдарының өкілдері қатысты.
Оқушыларымыз халықаралық білім додаларында 8 жүлделі орынға ие болды, оның 5-уі — алтын, 1-уі – күміс, 2-уі қола медаль. Ал республикалық олимпиаданың қорытынды кезеңіндегі 63 жеңімпаз 8 алтын, 16 күміс, 39 қола медальына ие болды.
Жеңімпаздар мен жүлдегерлерге Жетісу облысы әкімдігінің алғыс хаттары және ақшалай сертификаттар табысталды. (Халықаралық олимпиадалар мен ғылыми жобалар конкурстарының жүлдегерлері: І орын — 40 АЕК, ІІ орын — 30 АЕК, ІІІ орын- 20 АЕК; Республикалық олимпиадалар мен ғылыми жобалар конкурстарының жүлдегерлері: І орын – 30 АЕК, ІІ орын – 20 АЕК, ІІІ орын – 10 АЕК).
