Бүгін 5 қарашада аудан әкімдерінің сайлауы өтіп жатыр. Халықтың пікірін білмекке Сарқан қаласындағы аудандық мәдениет үйінде орналасқан № 349 сайлау учаскесіне бардық. «Дауыс» қоғамдық байқаушылар коалициясы» РҚБ Жетісу облысының филиалы атынан байқаушы болып отырған Баян Бекбаевамен тілдестік.
– Сайлау учаскесіне таңертең сағат 7-ден бастап келдім. Орталықта орналасқаннан кейін ба тұрғындар белсенді қимылдап, дауыстарын беріп жатыр. Барлығы заң аясында өтуде, әзірге ешқандай заң бұзушылық болған жоқ. Таңдау жасауға келген халық бейне бір мерекеге келгендей, барлығы бір-бірін құттықтауда. Көңіл-күйлері жақсы, – дейді Баян Бекбаева.
Осы орайда бақылаушы болып отырған ол бұл сайлау барысында өзімізді өзіміз қалай ұстау керектігін де үйрене түстік дейді.
– Біздің мақсатымыз – сайлаудың әділ, ашық өтуін қадағалау. Байқаушы болып бұрыннан дайындалыпп жүргендіктен, бұл жолы заң нормаларымен таныстырылып, кейбір жағдайларда өзімізді өзіміз қалай ұстау керектігін де үйрендік. Бір сөзбен айтқанда сайлау қалыпты нормамен өтіп жатыр. Тұрғындардың саяси белсенділігі де байқалуда. Сайлауға белсене атсалысып, өз таңдауларын жасауда, – дейді бізбен тілдескен Баян Талғатқызы.
Жақсылық ЖОМАРТҰЛЫ
