Бүгін Мәжіліс кулуарында депутат Асхат Аймағамбетов елді мекендерді жоспарлы дамыту кезінде ең алдымен әлеуметтік инфрақұрылымды салу қажеттігін атап өтті, – деп хабарлайды 7-su.kz ақпараттық порталы.
«Бірінші кезекте, әрине, біз әлеуметтік инфрақұрылымды – мектеп, балабақша, аурухана сияқты маңызды нысандарды салып алуымыз керек. Тек содан кейін ғана тұрғын үйлер салынуы тиіс», – деді депутат журналистер сауалына жауап бере отырып.
Асхат Аймағамбетовтың айтуынша, депутаттар осы бағытта нақты ұсыныстар әзірлеп, заң жобасына тиісті түзетулер енгізуді талап етіп отыр.
«Біздің айтып отырғанымыз – дәл осы мәселе. Біз ұсынған түзету мен ұсыныс та осы. Сондықтан бүгін біз бұл мәселені көтеріп, осы бағытта нақты жұмыс жүргізіп жатырмыз», – деп түйіндеді депутат.
