Kcell және Activ абоненттері Android үшін Kaspersky Internet Security және Kaspersky Safe Kids өнімдерін қамтитын «Ата-ана бақылауы» қызметін қоса алады. Қызмет балалардың интернетте қауіпсіздігін және ата-аналардың тыныштығын қамтамасыз етеді.
Балалар демалысқа шығып, қазір олардың смартфон мен интернетке бос уақыты көп. Қабылданатын ақпараттың көптігіне орай, онлайнда балаларды ақпараттық қауіптен қалай қорғауға және желіде ыңғайлылықты қалай қамтамасыз етуге болады деген сұрақ туындайды.
«Ата-ана бақылауы» қызметі баланың ақпараттық кеңістігін мыналардан қорғайды:
- Вирустан қорғайды;
- Қажетсіз және алаяқтықпен айналысатын сайттарды бұғаттайды;
- Кіріс қоңыраулар мен SMS-хабарламаларды сүзгіден өткізеді;
- Бала пайдалану үшін рұқсат етілген қосымшаларды анықтайды;
- Баланың смартфон қолданатын уақыт аралығын белгілейді;
- Интернетте және әлеум. желіде (Вконтакте, Facebook) бала белсенділігі туралы есеп береді;
- Смартфонның орналасқан орнын анықтайды.
«Интернетте балаларды батыл әрекеттен қорғауға деген ұмтылыс – әрбір ата-ананың табиғи ұмтылысы. Желінің өмірдегідей өз ережесі бар: ата-аналар дүниетанымын көтеріп, оларға қауіп-қатерді айтуға, бағыт беруі керек. «Касперский зертханасының» өнімдерімен бұл процесс әлдеқайда жеңіл», – деді «Касперский зертханасының» Қазақстандағы, Орталық Азиядағы және Моңғолиядағы өкілдігінің басқарушы директоры Евгений Питолин.
«Касперский зертханасы» екі жыл бұрын халықаралық зерттеу өткізіп, интернет пайдаланатын балалардың мінез-құлқын зерттеді. Соның арқасында, ресейлік балалардың жартысынан көбі желідегі белсенділігін жасыратыны анықталды, бұл ата-аналарды алаңдататуы тиіс: 92% жағдайда жасөспірімдер жасына сәйкес келмейтін материалды қарағанын, бейтаныс адамдармен сөйлесіп, кибербуллингке қатысатынын жасырады. Алайда сұхбаттасқан балалар мен жасөспірімдердің басым бөлігі ата-аналарымен киберқауіп туралы сөйлескісі келетінін жеткізді.
«Балалар интернеттегі сан алуан қызықты материал – үйретуші бейне материалдар, онлайн-ойындар, мультфильм, сериал арқылы жаңаны тез меңгеріп алады. Өкінішке орай, бұның ішінде мазмұны жағынан қажетсіз материал аз емес. Баланы қорғай отырып, бірақ жеке өзіне де уақыт қалдыра отырып, өмірде де, интернетте де балаңызға дос бола біліңіз. «Ата-ана бақылауы» – бұл балалардың қауіпсіздігі мен ата-ананың тыныштығы үшін «Касперский зертханасымен» бірге клиенттерімізге заманауи және технологиялық озық мобильді өнімдерді ұсыну арқылы көрсетілетін қызмет. Біз өнімнің экожүйесінде осы қызметті іске қосқанымыз үшін қуаныштымыз», – деді «Кселл» АҚ коммуникация бөлімінің жетекшісі Наталья Еськова.
Қызмет бағасы күніне 33 теңге, екі күн бойы қызметке абоненттік төлемсіз тегін сынақ жасап көріңіз. Қызмет туралы қосымша ақпаратты https://parental-control.kz/ сілтемесінен ала аласыз. Қызметті USSD *737# арқылы қосу.
Қызмет көрсету бойынша технологиялық серіктес «Инлаб» ЖШС.
