Цифрлық технологиялар дәуірінде де кітапханалар өз маңызын жоғалтқан жоқ. Олар бүгінде тек кітап сақтайтын орын емес, заманауи білім мен идеялардың, қарым-қатынас пен шығармашылықтың орталығына айналып отыр.
Кітапхана – кез келген ізденуші үшін шабыт пен жаңа мүмкіндіктер мекені. Мұнда адамдар қажетті ақпаратты ғана емес, жаңа идеялар мен рухани байлық табады.
Ал осы игі істің басында – кітапханашы. Ол қоғамның рухани және зияткерлік қазынасын сақтап, оны кейінгі ұрпаққа жеткізетін ерекше тұлға.
