Қазақ вальсінің королі атанған Шәмші Қалдаяқовтың туғанына биыл 95 жыл толды, деп хабарлайды 7-su.kz ақпараттық порталы .
Шәмші Қалдаяқов 1930 жылғы 15 тамызда Оңтүстік Қазақстан облысы Отырар ауданында дүниеге келген. 40 жылдан астам шығармашылық жолында ол 300-ге жуық музыкалық туынды жазып, қазақ музыка өнерінің дамуына өлшеусіз үлес қосты.
Композитор 1965 жылы Қазақстан Комсомол сыйлығын иеленсе, 1991 жылы Қазақстан Республикасының Халық әртісі атағына ие болды.
1992 жылғы 29 ақпанда, 62 жасқа қараған шағында, ұзаққа созылған сырқаттан өмірден өтті.
Шәмші Қалдаяқовтың «Менің Қазақстаным», «Арыс жағасында», «Ақ бантик» сияқты туындылары ұлт руханиятының асыл қазынасына айналды. Оның әуендері – сағыныш пен қуаныштың, жастық пен махаббаттың сазы, қазақ даласының үні мен жан толғанысын жеткізетін мәңгілік әуендер.
