Жетісу облыстық полиция департаментінің жергілікті полиция қызметі басқармасы мен пробация қызметкерлері бірлесіп «Есептегі тұлға» шарасын өткізуде. Мұндағы мақсат – бас бостандығынан айырусыз жазалауға сотталған, есепте тұрған адамдар тарапынан құқықбұзушылықтар мен қылмыстарға жол бермеу.
Жергілікті полиция қызметі басқармасы бастығының орынбасары Аида Белгібаеваның айтуынша, шараны өткізу үшін учаскелік инспекторлар мен пробация қызметінің қызметкерлерінен тұратын 8 мобильді топ құрылған. Сондай-ақ, есептегі тұлғалардың тарапынан құқықбұзушылықтарды уақытылы анықтау мақсатында ақпараттық іздеу жүйелері бойынша тексеру жүзеге асады.
– Есептегі тұлғалармен құқықбұзушылыққа жол бермеу туралы профилактикалық әңгімелер жүргізіледі, жазаны өтеу тәртібі мен шарттары, сондай-ақ пробациялық бақылаудан жалтарғаны үшін жауапкершілік қайта түсіндіріледі, – деп толық-тырды А. Белгібаева.
