Мәжіліс депутаты Еділ Жаңбыршин елімізде ЛГБТ қауымдастығын насихаттауға заңмен тыйым салу керек екенін айтты, – деп хабарлайды 7-su.kz ақпараттық порталы.
– «Отбасы туралы заңда “Отбасы еркек пен әйелден тұрады” деп жазылған. Бұл – заңмен бекітілген норма. Егер біржыныстылық насихатталса, ол заңнан тыс әрекет болып саналады. Біздің дәстүрімізде және заңымызда ерлі-зайыптылық қатынас тек еркек пен әйелдің арасында ғана көрсетілген», – деді депутат.
Оның айтуынша, қоғамда әйел мен әйелдің немесе еркек пен еркектің қарым-қатынасын насихаттау заңға қайшы және оны қолдауға болмайды.
– «Егер адам өзін ЛГБТ өкілі деп жариялап, бұқаралық ақпарат құралдары арқылы немесе көпшілік алдында біржыныстылықты ашық үгіттесе – бұл насихат болып есептеледі. Ал үйінде, жеке өмірінде не істесе, ол өз еркі. Бірақ қоғамға шығып насихаттаудың қажеті жоқ», – деді Еділ Жаңбыршин.
