Сот процесін Жоғарғы соттың ресми YouTube арнасынан тікелей эфирде көруге мүмкіндік бар. Бұған дейінгі отырыстар 28-29 сәуірде өтті. Істе барлығы 9 айыпталушы бар, сот төрағасы – Ержан Жанұзақов.
Отырыста бұған дейін оқиға орнына алғаш келген полиция қызметкерлері, сондай-ақ куәгерлер – Эльмира Нұрбекова мен Дана Жақсыгелді жауап берді. Шерзаттың әкесі Қаржаубай Нұрымов та оқиғаның қалай басталғанын баяндады. Сонымен қатар, сот барысында марқұмның ағасы Нұрқанат Ғайыпбаевтың тергеу кезінде түсірілген бейнежазбасы көрсетілді.
Прокурор тарапынан оқиғаның толық хронологиясы ұсынылды. Айыпталушылардың көпшілігі өз кінәсін мойындаған жоқ.
Еске салайық, 2023 жылдың 4 қазанында орын алған жаппай төбелес кезінде 16 жастағы Шерзат Полат қаза тапқан. 2024 жылдың қазан айында марқұмның отбасы тұрған үй өртке оранып, іс бөтеннің мүлкін қасақана жою фактісі бойынша тергелуде. Желтоқсан айында Талғар маңында Шерзаттың ағасы да өлі күйінде табылды.
Келесі сот отырыстары 6 мамыр және 15-16 мамыр күндері жалғасады.
«Жетісу-Ақпарат»
