Соңғы күндері әлеуметтік желілер мен мессенджерлерде «Қазақстан Республикасы Ұлттық қауіпсіздік комитеті баспасөз қызметінің ресми мәлімдемесі» деген атаумен таралған хабарлама жалған болып шықты.
Аталған фейк хабарламада патриоттыққа қарсы риторика тарататын немесе қоғамда алауыздық тудыруға бағытталған әрекеттерге қатысы бар азаматтар туралы ақпарат жинау үшін арнайы Telegram-бот құрылғаны айтылған. Бұл мәлімет шындыққа жанаспайды.
ҰҚК ресми түрде мәлімдейді: мұндай Telegram-бот құрылған жоқ, және бұл мазмұндағы хабарлама ешқандай ресми дереккөзде жарияланбаған.
Комитет ресми ақпарат көздерін ғана пайдалануға шақырады:
-
Ресми сайт: www.knb.gov.kz
-
Telegram: @knbgov_kz
-
Instagram: @knbgovkz
ҰҚК азаматтарды тексерілмеген деректерді таратпауға және жалған ақпаратпен күреске атсалысуға үндейді.
«Жетісу-Ақпарат»
