Райымбек ауданы бойынша тракторларды және олардың базасында жасалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда олардың тіркемелерін, өздігінен жүретін ауылшаруашылығы, мелиоративтік және жол құрылысы машиналары мен механизмдерін, сондай-ақ, жүріп өту мүмкіндігі жоғары арнайы машиналарды жыл сайынғы мемлекеттік техникалық байқаудан өткізу мемлекеттік қызмет саналады және оларға төмендегілер бойынша қызмет көрсетіледі.
Райымбек ауданының «Ауылшаруашылығы бөлімі» мемлекеттік мекемесі мемлекеттік қызмет ұсыну тәсілдері, қол жеткізу арналары, мемлекеттік қызмет көрсету үшін жеке және заңды тұлғалардың өтінімі бойынша бірқатар қызмет көрсетеді. Мәселен, олар көрсетілетін қызмет берушінің кеңсесі, www.egov.kz, www.elicense.kz «электрондық үкіметтің» веб-порталы арқылы жүзеге асырылады.
Өтініш тіркелген сәттен бастап мемлекеттік қызмет көрсету машинаның тұрған жерi бойынша он жұмыс күні, ал машинаны тіркеу пунктіне әкелген кезде екі жұмыс күні ішінде іске асады. Мемлекеттік қызмет көрсету нысаны қағаз және электронды түрде жүргізіледі. Мемлекеттік қызмет көрсету нәтижесі – инженер-инспектордың қолы және көрсетілетін қызмет берушінің мөртабанымен расталған тіркеу құжатына (техникалық паспортқа) «Ақауы бар» немесе «Ақаусыз» деген жазба енгізеді. Мемлекеттік қызмет тегін көрсетіледі.
2015 жылғы 23 қарашадағы ҚР Еңбек кодексіне сәйкес жұмыс кестесі бойынша демалыс және мереке күндерін қоспағанда, дүйсенбі-жұма аралығында сағат 13.00-ден 14.30-ға дейін түскі үзіліспен 9.00-ден 18.30-ға дейін қызмет көрсетіледі. Өтініш қабылдау мен мемлекеттік қызмет көрсету нәтижесі сағат 9.00-ден 17.30-ға дейін беріледі. Түскі үзіліс сағат 13.00-ден 14.00-ге дейін. Мемлекеттік көрсетілетін қызмет алдын ала жазылусыз және жеделдетілген қызмет көрсетусіз кезекпен жүзеге асады.
Мемлекеттік қызмет көрсету үшін қажетті құжаттар тізбесі, мәселен, көрсетілетін қызмет берушіге жүгінген кезде нысан бойынша өтініш және тiркеу құжаты керек. Ал портал арқылы жүгінген кезде электронды құжат нысанындағы өтініш және тіркеу құжатының электронды көшірмесі қажет.
Көрсетілетін қызмет алушы қажетті құжаттарды қызмет берушіге тапсырған кезде қағаз жеткізгіштегі өтінішті қабылданған құжаттар топтамасының қабылдау күні мен уақыты көрсетіле отырып, оның көшірмесіне қойылған белгі растайды. Ал портал арқылы тапсырған кезде көрсетілетін қызмет алушының «жеке кабинетінде» мемлекеттік қызмет көрсету үшін сұранымның қабылданғаны туралы мәртебе көрсетіледі.
Райымбек ауданының
«Ауылшаруашылығы
бөлімі» мемлекеттік
мекемесі
