Аты-жөнім Іңкәр Екпінқызы. Абай атындағы орта мектептің қабырғасына келгеннен бері пәндік олимпиадаларға қатысып жүрмін. Аудандық, облыстық білім сайыстарында жүлделі орындардан көріндім. Қазіргі уақытта ғылымға деген қызығушылығым күн артып оянуда. Жантақ өсімдігі туралы зерттеуім «Зерде» байқауында мені жеңімпаз атандырды.
Жалпы жантақ көбіне шөлді аймақтарда өседі. Евразия мен солтүстік африкада көптеп кездеседі. Кей жерлерде оны отын ретінде пайдаланады. Тамыры өте тереңге қарай кететіндіктен шөлді жерлерге өсуге бейімделген.
Жантақтан жасалатын дәрілерді алғаш рет Авицена ашқан. Оның құрамы С витамині мен ақуызға және полифенолға өте бай. Ежелгі дәрігерлердің бірі Мұхаммед Гусейн жантақтың тұнбасын және оның тамырын дизентерияға және денедегі жараларға қарсы пайдаланған. Қазақ халық университетінің органикалық химия кафедрасының меңгерушісі Гаухар Бурашова жантақты зерттеп анықтаған. Нәтижесінде жантақтан алынған биологиялық активті комплексті ғылымға алхидин деген атпен енгізген. Осылайша химфарм шымкент зауытмен біріге отырып, ол құрамында жантақтың қосындысы арқылы жасалған алхидин таблеткаларын, жантақ сиропын, 5 пайыз алхедин жақпа майын және Гаухар тұнбасын жасап шығарды.
Қазіргі таңда жантақ өсімдігі Қызыл кітаптан орын алып, Қазақстандағы саны азайған өсімдіктер қатарына енгізіліпті. Сондықтан қасиеті жоғары саналатын жантақ өсімдігінің түрі көбейтілетін арнайы құрылғылар орнатылған питомниктер ашылып, жапырағынан дәрі-дәрмектер жасайтын фармацевтикалық орталықтар көбейтіліп, оның емдік қасиеттері мен пайдасы туралы оқулықтар жарыққа шығарылса деген ұсынысым бар.
Біз қоршаған ортаны аялап, қадір-қасиетіне жете білу керекпіз.
Іңкәр Екпінқызы,
оқушы
