2025 жылғы қаңтар-тамызда өнеркәсіп өндірісінің көлемі қолданыстағы бағамен 247 592, 5 млн. теңгені құрады. Бұл 2024 жылғы қаңтар-тамыз айларымен салыстырғанда 5,5%-ға артық.
Тау-кен өндіру өнеркәсібінде өндіріс көлемі 14,5%-ға азайып, өңдеу өнеркәсібінде 5,0%-ға ұлғайып, электр энергиясымен, газбен, бумен, ыстық сумен және кондиционерленген ауамен жабдықтауда 16,1%-ға өсті. Сумен жабдықтауда, қалдықтарды жинауда, өңдеуде және жоюда, ластануды жою жөніндегі қызмет көрсеткіші 3,9%-ға азайды.
2025 жылғы қаңтар-тамыз ауыл шаруашылығы өнімдерінің жалпы шығарылымын 186 999,1 млн. теңгені немесе 2024 жылғы қаңтар-тамызбен салыстырғанда 102,1%-ды көрсетуде.
Биыл қаңтар-тамызда көліктің барлық түрінің жүк айналымы 10 445,18 млн. тонна километрді құрады. 2024 жылдың қаңтар-тамызымен салыстырғанда 141,1%-ды көрсетуде.
Жолаушы айналымы 422,2 млн. жолаушы километрді құрап, 2024 жылдың қаңтар-тамызымен салыстырғанда 105,3%-ға жетті. Құрылыс жұмыстарының көлемі 183561,3 млн. теңгені немесе 2024 жылғы қаңтар-тамызбен салыстырғанда 129,6%.
Биыл пайдалануға берілген тұрғын үйлердің жалпы алаңы 24,3%-ға өсіп, 186,7 мың шаршы метрге жетті. Олардан көппәтерлі тұрғын үйлер 30,9%-ды көрсетуде. Бұл ретте пайдалануға берілген жеке тұрғын үйлердің жалпы алаңы 17,5%.
Негізгі капиталға салынған инвестициялар көлемі биыл 271366,0 млн. теңгеге жетіп, 2024 жылғы қаңтар-тамызбен салыстырғанда 121,6%-ды құрады. Тіркелген заңды тұлғалар саны 2025 жылғы 1 қыркүйектегі жағдай бойынша 8 564 бірлікті құраса, өткен жылғы сәйкес кезеңімен салыстырғанда 2,8%-ға ұлғайды. Оның ішінде 100 адамнан кем қызметкерлері барлар 8 328 бірлік. Жұмыс істеп тұрған заңды тұлғалар саны 7 083 бірлікті көрсетуде. Оның ішінде шағын кәсіпорындар 6 849 бірлікке жетті. Облыста тіркелген шағын және орта кәсіпкерлік кәсіпорындар саны 6 496 бірлік. Өткен жылғы сәйкес кезеңмен салыстырғанда бұл 4,0%-ға артқан.
ҚР СЖРА Ұлттық статистика бюросының
Жетісу облысы бойынша департаменті
