Бүгін ел аумағында түрліше ауа райы сақталады. Елдің біраз бөлігінде қатты ыстық болатыны болжанған.
Бұл туралы 7-su.kz желілік басылымы «Қазгидромет» ресми сайты дерегіне сүйеніп хабарлайды.
Елдің батысында, солтүстік-батысында, солтүстігінде циклон жырасы және онымен байланысты фронтальды бөлімдердің өтуімен найзағайлы жаңбыр, солтүстік-батыста кей уақытта қатты жаңбыр жауады. Еліміздің қалған аймақтарында жауын-шашынсыз ауа райы сақталады. Республика бойынша желдің күшеюі, солтүстікте түнде және таңертең – тұман, күндіз республикамыздың солтүстік-батысында бұршақ күтіледі.
Түнде Ақтөбе облысының батысында, солтүстігінде, күндіз Қостнай облысының орталығында, солтүстігінде қатты жаңбыр күтіледі. Түнде Қостанай облысының солтүстігінде, Солтүстік Қазақстан облысының солтүстік-батысында топырақ бетінде 2 градус үсік күтіледі.
Қостанай облысының орталығында, оңтүстігінде жоғарғы өрт қауіпі күтіледі. Қызылорда облысында, Түркістан облысының солтүстігінде төтенше өрт қауіпі сақталады.
Фото: ашық дереккөзден
