Мәжіліс депутаты Асхат Аймағамбетов әлеуметтік желідегі парақшасында мұғалімдер үшін маңызды жаңалықты жеткізді, – деп хабарлайды 7-su.kz ақпараттық порталы Massaget.kz сайтына сілтеме жасап.
Оның сөзінше, мұғалімдерге қатысты заң жобасы әзірленген.
«Педагогтерді рилс түсіруге мәжбүрлеуден, түнде және жұмыс уақытынан тыс уақытта WhatsApp-та жауап беруге міндеттеуден, есепті электрон және қағаз жүзінде қайталап тапсырудан қорғау үшін арнайы заң жобасын әзірледік. Енді заң жобасын жұмысқа қабылдаймыз. Келесі аптадан бастап жұмыс тобында талқылауды бастаймыз. Бұл — өте маңызды мәселе. Ұстаздар артық міндетпен емес, сапалы білім мен саналы тәрбиемен айналысуға тиіс», – деп жазды ол.
Айта кетейік, бұған дейін Оқу-ағарту министрі Жұлдыз Сүлейменова өңірлердің Білім басқармалары басшыларына жиын өткізіп, білім сапасына қатысты сыни пікір білдірген болатын.
